كرتون وقصص واسلامي وعام ومسلسلات وصور فرفشه ونسالي والعاب وطبخ وعالم حواء ديكور
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 تجـــربتي وتجـــربتـــك ... يالله يابنات نسوي لنا ..((دفتر خلطات مجربه))

اذهب الى الأسفل 
كاتب الموضوعرسالة
نعناعه

avatar

المساهمات : 4645
تاريخ التسجيل : 24/01/2014

مُساهمةموضوع: تجـــربتي وتجـــربتـــك ... يالله يابنات نسوي لنا ..((دفتر خلطات مجربه))   الجمعة أبريل 14, 2017 7:23 am

بسم الله الرحمن الرحيم

سلام ياحلوااااااااات


جيتكم اليوم ومعي فكرة منا زينها >> الله الله


وأحس انها مفيييده جداً .....





وشلون ..... ؟؟


نبــــــــغى كل وحده جربة خلطه او كريـــــــــم أو صابونه أو ........ الخ

وإستفادة منه .... وطلــــــــــع تاثيره وان ممتاز ....


لاتبخل علينا .......



وهذامن باب (( أسأل مجرب ولا تسأل طبيب )) ..!!!



وطبعـــــاً المجرب غير اللي مو مجرب ......

وانا باخذ الخلطه اللي صاحبتها واللي مستخدمتها

اذكرتها لي ......

غيــــــــر الخلطه او الكريم اللي ما احد جربـــــه .....




---------

راح أبدأ انــــــا ....


بالنسبه للبشره .....

بصراحه أستعملت الكثييير من الخلطات بس مافيه مثل

خل التفاح

ملعقه ماء دافيء وملعقة خل تفاح

وتشبعين القطنه و تقعدين تمسحين بشرتك وشوفي وش يطلع >> طحالب ..!!

نـــــــــــــــظافه خياليه ..... شيء ..

اختي قبل زواجها

كانت معبيه في علبة بخاخ .. ماء ورد وخل تفاح بكميات شبه متساويه

بس ماء الورد اكثــــر

وترشه عل جسمها .... قبل الاستحمام .....

وماشاء الله ... عطاها بياض قعد تأثيره ... الى الآن .....


-------------

اما الشعر ....

مازلت استعمل خلطتي .. وما خلصت علشان اعلمكم ....

بس اخذتها من بنت الجيران .... وأرتحت لها .....

عباره عن .....

(( علبة زيت جوزالهند - حلبه - ثلاث فصوص ثوم - زيت السمسم - زيت الجرجير الأصلي- ))


الطريقة أخذي علبة الجوز الهند (العلبة الحديد)) وأفتحي غطاها كله وحطي فيها الحلبه

وخطيها على النار بعد ربع ساعه او اكثر

طلعيها علشان تبرد ..

جيبي علبه كبيره .(( علبة الماء الكبيرة تصلح ))

وصبي زيت السمسم - وزيت الجرجير


وامسي فصوص الثوم واضربيها بالمضرب مره وحده (( يعني افقشيها بس )) 

لاتقطعينها ....

وحطيها بالعلبه تنقع فيها و لاتطلعينها........


وصبي عليهم زيت جوز الهند بعد ما تصفينه من الحلبه ........

--------

ادري بتقولون رحتها موهب حلوووه ادري .....ادري


بس اللي يبي الزين مايقوول أف ريحه ....




وأنـــــا لا حطيتها ...... تقل مثورين كيماي ..... بالبيت ....





[بصراحــــــــــه // يالمتزوجات .... لاتحطنها ... جعل شعركن ماينبت

احسن من الطلاق 



نسيت في الأسبوع الاول يوم ورى يوم ..... بعدين ثلاث مرات في الأسبوع

-------

والله انـــا عندي مبدأ ... المهم . شعري يطلع زين .... ريحه ولا وشو

وش ابي بالريحه الزيـــــــنه .....؟؟ >>.ماعندي احد يشم 

--------


المهم

7
7
7



يالله يابنات طلعوا الخلطات والكريمات ..... اللي يعدلن ذا الخلقه ....



بالخيــــــــــــــــــــــــــــر يا بنت .. أثريتس تدورين الخلطات .. تبين الزين ..
اخاااف حولتس عرس ولا شين .. علمينا .. علشان نفصل فستان ..
مو تباغتيننا ... << قووويه مدري منين جبته خخخ 





عجاااايب عندي لتس خلطه يا أستخدمتيه .. يا إنتس تعنين لقطـــر بس
علشان تشكريني .. بس عاد من غلاتس وغلا السنيورات .. بقوله وشكركن وآآآصل
لا تعنن 


كركم + فازلين .... بس صراحه انا أحط بدال الفازلين زيت جونسن بالبابونج حق الأطفال أحس إنوه اخف
الفازلين معاناه لين تغسلينوه ما يطلع بالساهل ..
المهم .. تخلطين الكركم بس تأكدي إنوه حق الجسم مو حق الأكل .. مع الفازلين .. وامسحي بوه جسمتس كلوه .. وخليه 10 دقايق وبعدين تروشي عادي .. والعرايس علشان يبن النتايج بسرعه يحطنوه بالليل ويغسلونه الصبح ... اسبوووووووووع وحياتس إلا انتي صايرتن نجفه .. تلمعين 



وأنصحتس ياعجااااااااايب وكل خووووواتي بمااااااء والورد .. خلنوه بجنب التسريحه ولا بحمامتس االخاص
وكل ما مريتي اغسلي وجهتس بوه .. واستخدميه بعد الإستحمام كشطفه أخيره ... وشوفن غير الريحه الحلوه النعومه والبياااااااااض بس لآآآآزم إستخدام بإنتظام ..



الله يقطع ابليسك ياعجوبه لو حتى لو ماعندك احد يشم لو أحد يسلم عليك وانت ثوم وحلبه نصيحه بخري شعرك بالعود وانتى توك طالعه من الحمام يعنى وهو مبلول شعرك عشان تثبت ريحة العود فيه لعل وعسى يخفف شوي من الكيماوي اللي انتى حاطته 


والله ياطويله العمر بالنسبه للشعر كنت مااجرب خلطات وخايفه منها وبعد مادخلت الكليه بدا شعري يتساقط مو مثل اول وطبعا امي حالفه علي مااقصه واستخدمت زيت سمعت انه زوين بس اخاف اقوله لكم تفكرون في شي ثاني أو تبلغون عني  لأن أهل البيت انفجعوا يوم قلت لهم إسمه وجلسو يهاوشون حتى يوم احطه امى تناظر فينى اذا طلعت تشوف هسترت والا في خله 

استخدمت زيت الحشيش بس بصراحه قبل لا استخدمه سألت عن حكم استخدامه دكتورة اصول فقه قالت لي ان كان ماتفقدين العقل يوم تحطينه بمعنى مايغيب العقل فهو جائز لأنه استخدام خارجى ماتأثر العقل فيه

واستخدمت قارورتين حشيش اذكرها  الا انى ماشفت تحسن وتركته  واللحين استخدم زيت الخروع مع زيت عافيه بدون اي اضافات ثانيه لي تقريبا سنه والحمد لله رجع شعري مثل أول وماله ريحه الخروع وعافيه حتى والله الشعر يقولون اذا عملتي له هاي لايت او اي صبعه يتخشن من ثاني صبغه أنا ولله الحمد والمنه اصبغ هاي لايت وماتخشن والله هو هو بس محافظه على العنايه به والاستشوار بقدر المستطاع مااستشور الا نااااااااادرا لأنى الف شعري بعد الاستحمام مثل العصابه على الراس بعد ماينشف أطلقه والا هو ناعم لان كثرة الاستشوار تعدم الشعر ويتعود عليه ويفقد لمعانه وصحته ..

أما الخلطات التي استعملتها و كانت نتائجها 100/100

1- خلطة لعمل ماسك للبشرة الدهنية من ( عصير الخيار + ملعقة خل التفاح + نقطة أوكسيدانت ) توضع على الوجه لمدة ربع ساعة ثم يغسل بالماء الدافئ ..

2- خطلة موجودة ومشهورة ( زهور البابونج توضع على حمام مائي ضمن مصفاة ثم نفردها على الوجه مثل القناع وبعد نصف ساعة يزال ويشطف بالماء الدافئ )

3- بالنسبة للشعر الابتعاد عن كل الصابون و الشامبو و البلسم لأنها تساعد على تساقط الشعر و الاكتفاء بصابون الغار الحلبي و من ثم استخدام الزيوت الطبيعية )

4-استخدام الحليب الطازج و ماء الرز لعمل حمام للبشرة كلها .

5- استخدام زيت اللوز + زيت الزيتون للمحافظة على نضارة بشرة الوجه .

6- استخدام كمادت الشاي أو البابونج لتخفيف الارهاق حول العينين و الهالات و غيرها

7- فرك اليدين بوريقات من النعنع الاخضر للتخلص من رائحة الثوم و البصل بعد الطبخ .

8- استخدام الغليسرين الطبي + ملعقة من عصير الليمون + ملعقة من كولونيا للأطفال من اجل معالجة البثور

وغيرها كثير
تعلله ياتقلبي انتي .....

ايو الله ابي الزيييييييين احد يعيفه ...؟؟

-----------------


بعدييين شكلك ..... خراااطيه وين الخلطات شكلك ماتعرفين الأصلي

الحشيش الاصلي استعملته صديقة اختي بغت تفحط تقول ضيعت علووميي ..



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تجـــربتي وتجـــربتـــك ... يالله يابنات نسوي لنا ..((دفتر خلطات مجربه))
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنات ناصر :: المنتدى :: قسم عالم حواء-
انتقل الى: