بسم الله الرحمن الرحيم
شلونكم يا نظيفات
مافي وحده شدها العنوان الا مليون بالميه بتكون نظيفه وتحب النظافه
بنات حمامي والحمدلله يلمع يشع من النظافه حتى وحده يتني تقول ريحه تجنن ونظافه عمري ما دخلت حمام بهالنظافه وريحته حلوه
منقول
وطريقتي اللي بقولها لكم مو بس تنظف الحمام لا تعقم الجو وتطهره عدل من الجراثيم والمكروبات
يالله بقولكم شنو نحتاج
1- فلاش
2- كلوركس
3-صابون داك
4- ديتول
5- بخور ياوي
6- بخاخ جف
7- اسفنج وفرش وفوط
8- فواحه بزيوت عطريه ريحتها حلوه
9- بخاخ التوت
يالله شدي الحيل
طلعي كل كل كل كل شي من حمامج ما اشوف ولاااااااااااااااا شي فيه تعرفين يعني شنو كل شي كل شي فرغيه بالكامل واخذي تب صغير وحطي فيه اشويه فلاش مع ماي وخلي الخدامه تنظف بين فتحان السيراميك بالطوفه والمراحيظ والارضيات وتشطفه بماي بارد بالاخير بس خليها تلبس دس وتحط كمام صغير عن ريحته لانها قويه بس اهم شي تدورين وين اماكن الوصخ وانتي بكرامه عشان تركز عليه عدل
وبعد ماتنظف بالفلاش خليها تريح اشوي تشرب ماي بارد وترشرش الحمام بماي بارد مسكين عقب الفلاش فحت جبيدته
(( ملاحظه : الفلاش اسوي هالطريقه مره بالشهر بس وديروا بالكم اذا طول واهوا على الارضيات يخربها بس مانستغنا عنه للتنظيف ))
وبعدين التنظيف بالكلوركس عن طريقه المخمه الصغيره اللي تكون جنها فرشه اسنان عملاقه خخخخخ تنظف الطوفه والمغسله وتفرك عدل عدل عدل وتحت المغسله وتحت الكبت اذا حمامج فيه وفتحات المغسله وكل كل مكان عدل مدل وبعدين تغسل الحمام بماي تشطفه عدل
والحين بخاخ جف رشي فيه النل واليدات ومسكات البانيو والدش وقضبه السفون وهالسوالف ومسحي باسفنجه عدل وشوفيهم شلون بيتلامعون يهبلون --- وعاد بخاخ جف حيلكم فيه ترا عجيب ينظف عدل حتى حق المطبخ حلو والبقع الصعبه والوصخ اللي يتجمع بين فتحات السيراميك عالطوفه وغيره
وعقب تحطين ماي وصابون وفرك بهالحمام ياويله ياسواد ليله فركي الطوفه والبانيو والدريشه بماي وصابون تكفووون لا تخلون ولا مكان حتى السقف تمسحه وتنظفه وبعدها نغسل بماي كانه الحمام خلاص وننشف وكل شي بس اهم شي تنشفون
وناخذ طشت صغيروني كشخه ذرب مايكون فيه اثار صابون ولا شي ونحط فيه ماي دافيه وكلوركس نص العلبه وناخذ فوطه ونمسح الحمام مسح كل مكان الحين نظييييييييييييييف بس نبي نطهر الحمام تطهير بالماي الدافي والديتول
وبعدين شبي بخور ياوي وسمي بالله قبل لا تدخلين الحمام وحطيه بالحمام خليه الحمام ينترس بالدخان والله يعقم صح بتختنقين بس ماعليه هذي نظافه وعقب شيلي البخور وشغلي الشفاط
ورشي بخاخ التوت وخليه اشوي وشبي الفواحه بعطور تحبينها او تخصصينها للحمام
كل هذا واغراضج بره الحمام عاد مسحيهم ونظفيهم عدل وبعدين رتبيهم وسنعيهم داخل الحمام
راح تحسين الحمام صار نظيف وجو الحمام تغير وتعقم
وتمتعي بحمام نظيف ومرتب
منقووووووووووول
الخميس أكتوبر 17, 2013 6:33 am