يوميات البنت النعومة والعربجية و يوميات في المدارس

الدلوعـة..
طبعاً وهي نايمة الدبدوبي والأرنوبي كلهم في حظنها <<يقال لها مشاعر فياضة
واذا قامت من النوم ما تقوم الا الساعة (وحده) الظهر
لا وبعد الي تصحيها الشغالة>>>تقومها بالإنجليزي ... بس انا راح اترجمه لكم ...
يالله مرام قوم ماما في قول قوم عاد ((يمديكم على الترجمة)) هي تقول اوكي وتجي امها وتصحيها مرة ثانية يا مرام حبيبتي اصحي .. ترد مرايم :ماما والله بدري الساعة وحده الظهر بدررررررررري>>>تدلع هي وخشتها
قامت البنت من السرير وفتحت الستارة والشبابيك ... علشان تتنفس الغرفة ...ياااااااااااااااي..
وشغلت موسيقى رومنسية علشان تروق بنت الحلال وراحت تاخذ حمام محترم وبعد ماتطلع من الحمام ورررررررررررر على المرايا تحط من هالكريمات والدعافيس على وجهها ...
تعرفون لازم تحافظ على البشرة ... خلصت من المرايا وتتجه الأن الاستشوار وش..وش..وش..
لحووووووووووول ساعتين عز الله ان هالشوشة تدمرت ....
خلصت منه ..
دقت البنطلون الجينز والبلوزة، ونزلت تحت تفطر على كاس عصير برتقال<<يااااااااي مسوية رجييييم

نجي للعربجية>>امووووت انا بالعفاشة
تقوم الساعة 8 الصبح وهي ماودها تقوم .. وجات امها تقومها .. ياسوير قومي يامال المرض
لحووووووووول زين زيييييييين<<<أهل الحارة يصحون معها .. بس لو تشوفون شكلها وهي نايمة .. كراع هنا وكراع هناك .. لا وكل ثلاث ساعات وهي طايحة من السرير <<شايفتلها تفحيط يخرع
يجي اخوها حميد((اسمه محمد بس يدلعونه حميد))ويقومها مرة ثانية يااااا سوير تقول امي قومي جعلك الموت ترد سوير : اقول اطلع ولا صكيتك بكف على جبهتك .. ويجي مناحي اخوها الكبير .. سوير وجعععععععععععع.. ويعطيها ذيك الرفسة اللي خلت عظامها تهلهل <<عاش مشوووت
وبعد تلك الرفسة العنيفة فزت فزه مايعلمها الا الله
وقالها مناحي .. قومي صلحي فطور عشر دقايق الا وهو جاهز زييييييين
شوفي ابي قرص وخبز مسح >يعني خبز على الحديده <يعني> .. اقول اخلصي
وقامت بعد جهد جهيد وشتمت ولعنت الحي والميت حتىىىىىىى ولد عم جد ابوها ما سلم منها .. ونرجع للدلوعة..
هذي ماتتغدى الا الساعة 3 ولا 5
لا ولا تتغدى على رز ابيض مسلوق وسلطة<<<تحافظ على الرشاقة راعوووووووووها العربجية..
تتغدا الساعة 12 بالضبط وما تتغدا الا على كبسة ، لا خلصت الا كاس اللبن مراعي متولم عندها تشربه شربه وحده يعني مافي مجال انها تتنفس .. وتترع ذيك الترعة أأأأأأأأأأأآآأأأأأأأعععع >>>طالعة من قلبها الناعمة ..
طلعتها تكون من بعد صلاة المغرب <<<ماتطلع في العصر ياااااااي تحافظ على البشرة

العربجية..
تطلع الساعة ثنتين القايلة وتدقها كعااااااااااااابي لبيت خوالها الين تنقلب خبز اسمر
الناعمة ..
تروح للفيصلية ولا المملكة وقبل ماتروح السوق تمر على المشغل علشان تحط ميك آب سوق ..مكياج سوق << على بالي اشرح
العربجية..
تروح لسوق النسيم عشان تلقى العرابجة اللي مثلهاالناعمة ..
اذا طلعت تطلع مع يارا و لارا ((وخياره )) و رولا و مايا <<اموت انا على الموضة العربجية العربجية ..
تطلع مع بنات خالاتها ضحى وعمشى وفلحا ومزنة ومنيرة <<<<يعيش التراث
الناعمة ..
اذا جات تضحك : هههههههههههههههههه

العربجية ..
اذا جات تضحك تضحك كذا : هع هع هع هع هع هع .. الحمد لله والشكر تقول بالعتن لها بعير واذا جات تمزح مع حميد اخوها اعطته كف حلاقة ، يعني كف قوي على رقبته <<<على بالها تمون
الناعمة ..
اذا تحب تسمع اغاني ما تسمع عربي خلقة ماتسمع الا ريكي مارتن طبعاا لأنه حلووووووو وممثلها المفضل .. وتوم كروز لوسامته وميل جبسون وجيم كاري لخفة دمهم واحلى ممثلة عندها جوليا روبرتسالعربجية ..
الاغاني اللي تسمعها خلف بن هذال وحجاب بن نحيت وبشير حمد شنان وعيسى الاحسائي<<اموت انا على الفن
الناعمة ..
لما تتفرج على التلفزيون تجلس على الكنب وتحط رجل على رجل وتبتسم لأن الابتسامة تضفي بشاشة على الوجه<<<يالبى قلبها

العربجية ..
لا جات تناظر التلفزيون تشوف غصب واحد وغصب اثنين .. وتجلس على الأرض وتحط المركا وراها
والكراعين على التلفزيون وان زهقت من القناة الاولى دقت التلفزيون بإصبع رجلها وحطت على القناة الثانية
الناعمة ..
اذا تبي تحلم احلام اليقظة طلعت برىىىىىى في الحديقة حقت بيتهم وجلست على الكرسي الهزاز وقام الكرسي يروح ويجي <<مندمجة بقووووة

العربجية ..
اذا جات تجلم احلام اليقظة طلعت برى في حوشهم وفرشت البساط ((ابو خمس طعش اللي مخطط بأحمر وازرق )) <<عرفتوه
وتركت على المركا وقعدت تفكر ..

استاذة مافهمت الدرس
ـ اكيد مافهمتيه..هذا من الهذرة والسوالف والسرحان و الضحك بالحصة


ـ استاذة ممكن تعيدين اللي قلتيه ماسمعته
ـ اكيد مابتسمعيني ..انتي وصديقاتك بس تسولفون ..شلون بتسمعون؟


ـ استاذة ..ممكن اروح الحمام؟
ـ يعني ماتذكرتي الروحة الا الحين...بعد الحصة روحي،انتو مثل اليهال رايحين جايين على الحمام


ـ استاذة ..ممكن اشرب ماي
ـ يعني ماصرتي عطشانة الا الحين..احسن خليك عطشانة عشان ما تهذرين وايد

المشهد :الابلة شغلت شريط (كاسيت) للطالبات .واحدة من الطالبات قامت وقالت:
ـ استاذة..الشريط اللي سمعتينا اياه من شوي ماكان صوته واضح
ـ لو انتم توقفون الازعاج والكلام اللي صاير بينكم في الصف كان سمعتوا


استاذة منهجنا صعب...خططيلنا على الكتاب- من قبل المعلمة فيه 3 ردود لهذا الطلب: الرد الاول:شنو؟؟؟اخططلكم؟؟حتى عيالي اللي بالابتدائي ما سووها حقهم ؟؟
)الرد الثاني:انتي مرة كبيرة ماشالله ..صرتي بصف (...) لازم تخططين بنفسك
الرد الثالث:مافي تخطيط ..كل شيء معاكم احفظوه


ـ أستاذة..دفتري ضايع..شأسوي؟؟
في هالحالة الابلة ترد باحدى هالثلاث ردود: الرد الاول:هاه..نعم؟؟! وش تسوين؟؟اشرايك اروح بيتكم وادور عليه؟؟لا انتي دوري عليه وانا شذنبي ان كان ضايع؟؟انا اللي ضيعته؟
الرد الثاني: لا لا,,الحمدلله..ماعندي دفاتر بمكتبي انا ارسلتها لكم يوم الاحد اللي فات..
الرد الثالث:ترى ان مالقيتي دفترك..راح تعيدينه لي كامل


المشهد/بنت تمسح السبورة ومشتطة ..بعد ماخلصت من التسميح:
ـ استاذة..ممكن أغسل يدي(البت اللي تسأل كانت تمسح السبورة)
ـ انا اعرفكم يابنات ..اذا تبغون تطلعون تسمحون السبورة..لا ياحبيبتي مافي طلعة..خذيلك كلينكس


ـ استاذة..الصف حار مانقدر نستوعب
ـ شايفيني انا العامل اللي يصلحلكم المكيف؟؟روحوا الادراة وقولولهم مالت على هالمدرسة بس..يلا لا تضيع حصتنا


ـ استاذة..فيه نملة تحت الدرج! ـ اصلا النملة تخاف منكم..يلا بلا تضييع وقت..خلونا نكمل شرحنا..بس عشان نملة صغيرة مسويين قصة..


ـ استاذة الجو حلو..ممكن نفتح الشبابيك
-انتم ماتبون تفتحون الشبابيك الا عشان تتفرجون على الرايح والجاي..لا ماراح نفتح ـ استاذة بس الجو فظيع..لا نضيع هالفرصة
ـ عندكم فرصتين للطلعة..بعدين..يلا نكمل الدرس


ـ استاذة..الشمس على عيوننا ممكن نسكر الستاير؟
ـ لا خلوها احسنلكم ,,الشمس مفيدة لكم


ـ استاذة..صراحة..الامتحان كان حدة صعب
ـ ماحد طلب رايكم


ـ(هذا في حصة الفراغ) ـ استاذة..الله يخليك ..طلعينا برة
ـ مجنونة انا اطلعكم؟؟!عشان تسوون ازعاج وتزعجون الادارة..بعدين المديرة ماترضى


ـ استاذة..انتي دخلتي اي جامعة؟؟(البنت اللي تسأل الغرض من سؤالها الاستفادة من تجارب الآخرين)
ـ انتو ملاقيف بس تبون تعرفون اسرارنا..ايشرايك بعد تساليني متى تزوجت؟هذا اللي ناقص!!


ـ استاذة..انا تعبانة..وديني عند المشرفة
ـ معليش ..لا تشاركين معانا..بس استمعي او تقولها:ـ حطي راسك على الدرج ونامي,


المشهد/دق الجرس وبدأت فرصة الصلاة والابلة باقي تشرح الدرس البنات يقولون :ـ استاذة..نبي نطلع..بنروح نصلي
(تبتسم المعلمة ابتسامة خبث وتقول:تصلون؟؟ولا تبلعون و تقرقوون ؟؟

المشهد:المعلمة تملي البنات الدرس..
ـ استاذة..شنو؟عيدي
ـ ماراح اعيد ليش ما تنبهين من الاول بدال هالقرقة


ـاستاذة..ندرس من الدفتر ولاّ من الكتاب؟؟
تتحول ملامحها الى ملامح شر وتقول: ـ من الأثنين..


المشهد/المعلمة داخلة الفصل..والبنات بتأفف يسالونها
ـ أستاذة,,اليوم بتعطينا درس؟؟
ـ عيل ليش جايتكم؟؟


ـ استاذة..ماجبت الدفتر
في هالحالة المعلمة تختار احد هذه الردود:
ليش؟؟شقاعد يسوي في البيت؟؟عيل ليش جاية المدرسة؟؟؟
شلون نسيتي الدفتر؟؟انحبكت من كل المواد مانسيتي الا دفتر مادتي؟؟

ـ استاذة..ماأستلمت كتاب
ـ انا شذنبي؟؟روحي المكتبة‍ (المكتبة في آخر المدرسة)
او تقولها:ـ صوريلك كتاب من اي بنت (رغم امتلاء المكتبة المدرسية بمثل هذه الكتب)

ـ أستاذة..لا تمتحنينا بالدرس السابق..كان علينا اليوم امتحان وماامدانا نذاكر الدرس السابق
ـ اصلاً الدرس هذا سهل مرررة وبسيط...ومايبغاله شيء...لو انكم امس منتبهين معاي كان عرفتوا تحلون الاسئلة حتى لو ماذاكرتوا


ـ استاذة..ممكن نتفتح الباب؟
ـ لا..عشان تتفرجون على صديقاتكم..خليه مقفل..عشان تنتبهون للدرس


المشهد/بنت تتعنى وتطلع من فصلها ،وتروح لفصل صديقتها عشان تاخذ منها شيء..تدق الباب :
ـ استاذة..ممكن اكلم (فلانة) ـ لأ..بعد الحصة‍‍
ـ استاذة..بعطيها شيء وأروح
ـ لأ..أطلعي بره..قلتلك بعد الحصة


المشهد/الأبلة تفتش على الواجب..بنت توقف وتقول
ـ استاذة..انا كنت غايبة..ماحليت الواجب
الغياب عندي ماينفع عذر..ليش ماكلمتي واحدة من صديقاتك ولا ماعندكم تلفون؟؟؟_
ـ استاذة..ماكنت اقدر اكلمهم..لاني كنت مرة تعبانة
ـ مرة تعبانة؟؟(تقولها باستخفاف)اجل ليش جيتي المدرسة اليوم ..كان قعدتي في البيت



في الإمتحانات على الأبواب :

- استاذة .. الإمتحان سهل ولا صعب ؟ - يعني... سهل على اللي يذاكر وصعب على اللي ما يذاكر . (أو) (تضحك ضحكه خبيثه ) وتقول : أنتم مستعجلين على ايش بتشوفون بأنفسكم .



في قاعة الأمتحان : الطالبه صكت الورقه بعد ما خلصت مراجعه
- استاذة كم باقي من الوقت أبي أوقع و أفتك - لااااااا ....... راجعي بدل ما أنت منتحه كذا .. تقولين خلصت بعدين تكتشفين أنك نسيتي كم سؤال
- استاذة ... و الله راجعت إلين ما حفظت الورقه
- معليش .. راجعي مرة .. واثنين ..... و ثلاثة .....وعشرة


مااقول الا عسى الله يخلف بس علينا بالحريم المتسنعات اذا هذا ماضيهن عز

الله عينا خير حنا وعيالنا



لا للزواج نعم للعزوبيه



تحياتي

م
ن
ق
و
ل