معلش حبيبباتى انا غبت عليكم شوية لغاية ما نزلت الموضوع انا كنت قايلة بعد رمضان مباشرة لكن سامحونى والله الظروف انتوا عارفين قبل الجواز بتنزلى تشوفى ايه الحاجات اللى نقصاكى والقاعة لازم تحجزى قبلها بكام شهر معلش دعواتكم لى بظهر الغيب بان اروح بيتى عن القريب العاجل ان شاء الله ويرزقنى ربى بالذرية الصالحة السليمة المعافاة انا وكل مشتاق يا رب ربى لا تذرنى فردا وأنت خير الوارثيناللهم اميييييييين انا وكل من قال امييييين عاجلا وليس اجلا بازن الله
ثانيا كنت انا عاملة استفتاء بان اعمل موضوعى ده شامل او مستقل ونتيجة الاستفتاء هى شامل بان اعمل الموضوع وانزل مشاركات فيه ححتاج معايا فى الموضوع ده اى مشرفة من مشرفات القسم عشان تكون معايا بان تنزل المشاركات فى الصفحة الاولى وجزاها ربى خيرا ولى الشرف طبعا بالتعرف عليها وبجميع اعضاء فتكات
واتمنى من مشرفين القسم بان يثبتوا الموضوع ده عشان الكل يستفاد منه
عشان تتعلموا معى خطوات المكياج من الألف للياء بالصور والفيديو + المكياج اللبنانى يتميز بقمة الرقة والشياكة والهدوء المكياج الخليجى يتميز بانه صارخ والوانه فاقعة وغريبة + المكياج الاوروبى يتميز بانه يظهرك طبيعية جداااااا وهادىء جدااااااا وطفولى + المكياج الدخانى وهو يعتمد على الالوان البنى ومشتاقتها وافضل انواع الماكياج كمان وكونى خبيرة تجميل لنفسك
لكل من يريد تعليم خطوات الماكياج خطوة بخطوة يجى هنا عندى واتمنى من الادارة و مشرفات القسم ان تثبت الموضوع ده عشان الكل يستفيد ان شاء الله لكل البنات اللى مش بتعرف توضع مكياج ؟ ازاى طريقة توسيع العين؟ ازاى دمج ألوان الايشادوا ؟ ....الخ
يجى هنا عندى
ووداعا الذهاب للكوافير عشان تتمكيجى عنده فى اى مناسبة لديكى تعاالى معايا واعملى المكياج بيديكى وخلى الناس تقوللك عاملة مكياجك عند اى كوافير
وحنتعلم كمان خطوات المكياج بالصور و كمان بالفيديو ان شاء الله
نصيحة هامة اثناء تعليم خطوات فن المكياج اهم حاجة عشان تتعلمى خطوات فن المكياج التطبيق يعنى انتى مش حتروحى لمكان يعلمك عملى لا ده انتى حتتعلمية بنفسك من عالنت يعنى اى خطوة بقولها تستوعبيها كويس وتشوفى خطواتها ازاى وتروحى على طول تطبقيها امام المرأة عشان بدون التطبيق حيبقى الموضوع زى قلته حببتى متفقين على كده
تعالوا يالا نبتدى ونقول بسم الله الرحمن الرحيم
بدائيات واساسيات فن تعليم المكياج
اولا فرش المكياج حتلاقيها فى محلات مستحضرات التجميل او اى كوافير لان فى كوافيرات بتجيب الحاجات دى وبتبيعها
1- لازم يكون عندك فرش المكياج وفى منها 24 و 12 انتى تجيبى 12 عشان للاستخدام الشخصى ولوحتشترى 24 لو حتخدى الموضوع ده هواية وتكونى makpe artist
انواع و استخدامات فرش المكياج 1- فرشة توزيع كريم الاساس
بتضعى كريم الاساس على بشرتك وعلى بشرة نظيفة وزى الفل ثم تمررى وتوزعى كريم الاساس على بشرتك باستخدام الفرشة دى او ممكن باصابعك
بتضعى وتمسحى جانب الفرشة فى الكونسيلر ثم بتضعيها عالمكان اللى انتى عايزة تخفى العيب فيه وتوزعي كويس الكونسيلر بالفرشة
3- فرشاة البلاشر
الفرشة العادية اللى بنستخدمها لاحمر الخدود الموجودة عندك
والبلاشر هو احمر الخدود تغمسيها فى احمر الخدود وتضعيها على عظمة الخد وشوية من احمر الخدود عالقورة والذقن وانتى بتضعى احمر الخدود تضحكى شوية عشان تعرفى عظمة الخد
4-فرشة الايشادوا http://files2.fatakat.com/2013/8/13765778206911.jpg فى منها الحجم الكبير والصغير الحجم الكبير لتوزيع الايشادوا على كامل الجفن المتحرك الحجم الصغير لتوزيع الايشادوا على كامل قوس الجفن المتحرك
5- اسفنجة الايشادوا
وهى عبارة عن يد وفى اخر اليد زى قطعة صغيرة من الاسفنج وتستخدم
لتوزيع الايشادوا عالجفن العين وممكن تحديد الايشادوا بها عقوس الجفن المتحرك وفى الحلقات القادمة حنعرف ايه هو الجفن المتحرك وقوس الجفن المتحرك
وهى نحيتين الناحية الاولى للحواجب والناحية الثانية زى مشط رفيع للرموش
وهى عشان تسرحى الحواجب والرموش لتصبح مهندمة
عند شراء فرش المكياج لازم تكون الفرش شعرها ناعم وافضل فرش المكياج فرش ماك وفرش فور ايفر
ملحوظة هامة
تنظيف فرش المكياج مرة بالاسبوع عليكى القيام بالاتى
لازم عند استخدام الفرش تكون نظيفة ومش فيها اى بقايا من المكياج 1- احضار وعاء به ماء دافىء ووضع فيه ملعقة من اى شامبو و 4 قطرات من زيت الشاى الاخضر من عند العطار بيكون موجود 2- غمس كل فرشة فى الوعاء ده لمدة 30 ثانيه ثم مسح الفرش باى فوطة 3- ترك الفرش لتجف ثم وضعها فى الشنطة الخاصة بها
بعد كل استخدام للفرش مسحها بالمناديل المبللة للاطفال لتكون نظيفة اول باول
ثانيا الألوان اللى لازم تكون عندك كمبتدئة
الايشادوا اللون الابيض اللون الاسود اللون البنى ومشتقاته اللون الرصاصى الفاتح والغامق
ممكن تجيبى كمبتدئة علبة بها جميع الوان الايشادوا عشان لو احتجتى اى لون تلاقى عندك
الروج
اللون الروز اللون البنى الفاتح
البلاشر ( احمر الخدود ) اللون الروز الفاتح والغامق اللون البنى الفاتح والغامق
الكحل
اللون الاسود اساسى اللون الابيض عشان يوسع العين بودرة مضيئة
تضعيها تحت العين لتنور وتعطيكى اضاءة جذابة
ثالثا أفضل انواع ماركات المكياج
ديور ماكس فكتور
تشاو اماندا 3xl
جيفنشى
بور جوا فور ايفر ماك لانكوم
جورالاين
اوربان ديكاى نارس
وبكدة خلصنا بدائيات واساسيات تعليم فن المكياج واتمنى يكون موضوعى عجبكم وينال اعجابكم بقدر المستطاع ان شاء الله بس لية طلب حد من مشرفات القسم يرد علية ويكتب لى فى مشاركة مشرفات القسم مين؟ بحيث ان هم يبساعدونى فى كتابة المشاركات فى الصفحة الاولى عشان يكون سهل على الفتوكات ايجادة اى حاجة فى تعليم خطوات فن المكياج ومعلش تعباكم معايا
فى حفظ الله ورعايته يا اجمل فتوكات فالدنيا كلها بس طمنونى الصور ظاهرة ولا لأ عشان مش بشوف الصور نهائى
معكم خبيرة التجميل بالوصفات الطبيعية وئـــــام حســـان و معى كل جديد ان شاء الله