نعناعه
المساهمات : 11182 تاريخ التسجيل : 24/01/2014
| موضوع: الدرس الاول لتعليم اللغه الايطالية الإثنين يناير 12, 2015 4:22 am | |
| السلام عليكم ورحمة الله وبركاته
درسنا الاول لتعليم اللغه الايطالية درسنا الاول يكون بعنوان : Buongiorno . Mi chiamo cinzia ! يعني ايه ؟ يعني السلام عليكم اسمي شينزيا و بتتنطق بونجورنو مي كيامو تشينزيا
حنبدا الاول بجملتين و ندقق فيهم كويس في النطق و طريقة الكتابة
المكان : في مقهى al café بتتنطق ال كافي موعد لاول مرة Appointamento بتتنطق ابوينتامنتو
1- boungiorno . Mi chiamo cinzia .piaceri السلام عليكم , اسمي تشينزيا تشرفنا بتتنطق بونجورنو مي كيامو تشينزيا بياتشاري
]2- Buongiorno . Mi chiamo Marco .Piaceri السلام عليكم اسمي ماركو تشرفنا بتتنطق بونجورنو مي كيامو ماركو بياتشاري
اول حاجة ليه ترجمنا Buongiorno ل كلمة السلام عليكم و مش لصباح الخير رغم ان معناها صباح الخير؟ و ليه قلنا Buongiorno و ما قلناش Ciao (تشاو ) .؟
في ايتيكات الثقافة الايطالية لما بنقابل حد لاول مرة او لما بنكون في موقف فورمال من الادب و الايتيكيت اننا نقولو Buongiorno ( بونجورنو) حتى لو مش صبح و في الحالة دي تصبح Buongiorno بمعنى اهلا او نهارك جميل لو اتقالتAfternoon طيب و لو فات معاد الغدا ؟ في المناطق الجنوبية و وسط ايطاليا لما يجي وقت الغدا بنقول Buon pomeriggio ( تتنطق بون بوميريدجيو ) لحد 7 مساء و بعدين نقول Buona sera (بونا سيرا ) و في مناطق اخرى بعد ما نتغدى بنقول Buona sera ( بتتنطق بونا سيرا ) يعني مساء الخير طب و لو كنا مع اصحابنا ؟ في الحالة دي ممكن نستعمل ciao ( تشاو ) بمعنى اهلا و بمعنى باي و لو عشت مدة حتى قصيرة في ايطاليا مكن لو اترددت 3 ايام على بعض في نفس المطعم او اشتريت من نفس البياع او حتى مريت من نفس الشارع في مدينة صغيرة او قرية الناس حتعتادك و يشيلو الحواجز و تلاقيهم يبادروك ب Ciao
يلا كل واحدة تعرف عن نفسها بالايطالية و ما تنسوش تتابعوني ححاول انزل كل يوم درس او يوم بيوم | |
|