نعناعه
المساهمات : 11616 تاريخ التسجيل : 24/01/2014
| موضوع: كفتة داود باشا الثلاثاء مايو 27, 2014 11:43 am | |
| كفتة داود باشا عملت انهرده على الغدا كفتة داود باشابطريقة الشيف شربينى بس بجد انا مش مصدقة انها طلعت بالروعة دى شوفوا يا اخواتي المقادير: نصف كيلو لحمةمفرومه - بصلة مبشورة - 3فصوص ثوم - ملح وفلفل وكمون وشطة حمرا- دقيق - زيت-نصف كيلو طماطم - فلفل أخضر(اختيارى) الطريقة: 1- اخلطى اللحمة مع البصلة المبشورة مع الملح والفلفل وكوريها اد الليمونة الصغيرة. 2- حطى كور اللحمة فى الدقيق وحمريها فى الزيت. 3-بعد التحمير وفى نفس الطاسة (ويفضل تعمليها فى حلة من الاول وطبعا هايكون افضل) حمرى الثوم المفروم طبعا فى نفس الزيت (بس فى نص الزيت او اقل) 4- لما الثوم يصفر حطى عليه عصير الطماطم (أو صلصة)وطبعا تحطى ملح وفلفل وكمون 5- لما تغلى حطى كرات اللحم المتحمرة فى الصلصة وانا حطيت كمان فلفل اخضر متقطع شرائح ادالها طعم حلو 6- وسيبيها لغاية ما اللحمة تستوى والطماطم تتسبك 7- بس يا اخواتي واطبخى رز ابيض وحمرى بطاطس واعملى اى سلطة بتحبيها وكلى يا اخواتي وادعيلى وادعى للشيف شربينى انتى وجوزك واولادك واهم حاجة اولادك يمكن انا اللى باسطنى اوى كده انها عجبت اولادى اوى مع انهم متمردين اليومين دول على كل الأكل وبالهنا والشفا متنسوش تقولولى عملتوا ايه
| |
|