اعملي مثلي بشقتك بترتاحين نفسيا وتنتعشي وبتحسي ان شقتك فيها هواا
كاتب الموضوع
رسالة
تاريخ التسجيل : 01/01/1970
موضوع: اعملي مثلي بشقتك بترتاحين نفسيا وتنتعشي وبتحسي ان شقتك فيها هواا الخميس أكتوبر 24, 2013 4:03 pm
بسم الله الرحمن الرحيم
بنات الحمدلله انا بديرة نعمه واحنا بنات خير يالله لك الحمد
يعني بمعنى شنو الكبااااته مترووووسه هدوووووووووم ومشحوووونه اغراض والادراج ماتتسكر ولاتترتب وان رتبنا اشوي ارجعت مثل اول لااااااا والمصيبه والله العظيم ثلاااث اربعا الاغراض مانستخدمهم وثلاث ارباع الهدوم والله ما البسهم بس كله اقول لا حسافه والمطبخ بعد كذلك والله ما استخدم اغلب اللي عندي
وان عدلنا ارجعت مثل اول وارجع اعدل واعدل واعدل
عاد انا والله صارلي فتره اقول ياااربي شقتي مافيها هوا مهما اعدل مهما ارتب في شي غلط في شي قاااثني
والله يابنت اكتشفت السر
السر ان نكووود ونكووود ونكووود ونخزن
جااااااااااااااااااااان اقوم هذيج القومه اللي خذت مني فترة اسبوعين واكثر وهالحجي قبل السفر
قمت اول شي عالمطبخ وطلعت كل شي فيه كل كل شي فيه ماخليت فيه عووود واحد
وفرشت في الصاله سماطات وحطيت الاغراض والماعين كلهم
واثاري هوااااااااااايل وبلااااااااااااوي لا بعد قصص
اهيا كوابه اهيا اطقم يديده مافتحتها اهيا تحف وهدايا مع العلم اني دايم اعدل والله بس كله اقول ها حسافه لا يمكن استخدمه يمكن احتاجه وانا ما استخدمه ولا احتاجه ابد وفتحت الاطقم اليديه وحطيهم بالكبتات وشلت القدم وحطيتهم بكراتين والكوابه عاااالم عجيب الكوابه عندي والله اكثر من القفاش ههههههه شلت اغلبهم وحطيتهم في صندوق ووزعتهم عالخدامات استانسوا والمعاين شلتهم وحطيتهم بكرتون وبجيس وخليت اللي استخدمهم بسسسسسسسسسسسسسس خلاااص مافي تخزين وحوسه وحرام ما استخدمهم قلت غيري يحتاجهم ودقيت على لجنه وخذوهم وهمن فرن اصغير والله ما احتاجه غيري ممكن يستخدمه
والنتيجه والله مطبخي صار شرح والاغراض مرتبه ومنظمه وواضحه قبل بس اخذ اللي جدامي ومالي خلق اخذ من المعاين اللي ورا من الزحمه وكثرة الاغراض
وكلهم ملبوسن واحنا الله بخير بدلة السهر نلبسه مره مرتين بس خلاص ماتنلبس
واغلبهم ما البسهم اما يكونين غير عملين او شريتهم واتوهت فيهم موذوقي او عندي من زمان وغاليين ما يهونون علي اقلهم
والحمدلله اشياء يديه والله ما انلبست بالليبل معلقين ياااالله لك الحمد والشكر
واللي اقول ها يمكن البسه يمكن اغير يمكن احتاجه في يوم من الايام شللللللللته وحطيته بجييس
والجاكيتات اللي صارلي ثلاث اسنين اقول يمكن البسهم يمكن احتاجهم واذا يت حزة الشتا رحت شريت يديد الحمدلله هذا احنا مع كل بداية صيف او اشتا نشتري يديد
المهم شلتهم وحطيتهم بالجيس في الاغراض اللي ما احتاجهم
وشلت وشلت وشلت والله طلعت ثلاث ارباع اهدومي ما احتاجهم ولا البسهم خصووووصا اهدوم السهره ياربي مااخذين حيز ومكان وانا اصلا اذا صار عرس خيطت يديد او شريت
المهم شلتهم وحطيتهم على جنب والله لو اقولكم جم جيس كبير والله بتنصدمون بس خلوها مستوووره ههههههههه
المهم نقزت على هدوووم عيال وشلت اغلبهم والله انا كل صيف او شتا اشتريلهم يديد بس ما ادري ليش اخزن بعد شلتهم ما خليت الا الجاكيتات الكشخه والغاليه وبسسسسسسسسس
وهدوم الصيف خففت منهم وخليت اللي يلبسونهم لان في هدوم اشوووفهم قاعدين ما يلبسونهم وشلت وضميتهم للجياسه الباجي
ورحت للمكياج والكريمات والعطورات والاكسسوارات والا بلاااوي وااايد وااايد ما استخدمه او ماعجبني وبس مخليتهم منظر شلتهم وعطيت خواتي من المكياج والعطور الماركه اللي ما استخدمهم كلش خذو اللي عجبهم واللي ماعجبهم حطيته مع الاغراااض اللي ما ابيهم وهمن هدوم زوجي اراويه طلع اغلب هدومه مايلبسهم والله اللي تشوفني اتقول هذي فيها شي تبي تبيع بيتها او تنقل اغراضها بس والله صج صج صج ارتحت وحسيت ان مكياجي فيه بركه وحلووو ومرتب وحسيت ان هدومي حلوه ولها قيمه والله العظيم صااار هوا هوا بالغرفه وماكو زحمه وهدوم تضيق علينا الحمدلله احنا بنعمه وخير وانا ماسويت هالشي من باب التبذير بس والله من باب الترتيب والحمدلله
ورحت لاشرطة الفيديو والديفيدي والا اغلبهم مانبيهم بعد ومحطوطين منظر بس جذيه وشلتهم وهمن المكتب والا اوراق واقلام اشكثر والله ما نستخدم الا شي معين منهم وشلتهم بعد
نصيحه يابنات جربوا طريقتي وشوفوا الزحمه اشلون تخف والبيت شلون يتغير ويصير فيه هواا انا متعقده والله قبل افتح الكبت زحمه زحمه على بو يمكن البس هالملابس يمكن احتاجهم والا لاحسافه هذال غالي ليش اعطيه احد او ليش اشيله
ومانقص مال من صدقه فعلا والله العظيم حسيييت فيها ما حسيت ان شي نقص من اغراضي والله بالعكس بركه وخير واغراضي صارت صج تفيدني وعطوري ومكياجي كله صار يهبل واستخدمه وانا مستانسه قبل من الزحمه استخدم اللي جدامي بسسس
والحمدلله دقيت على اللجنه وخذوا منهم وبعضه تصرفت فيهم عشان ناس محتاجه
بنات والله ماكتبت عالموضوع من باب الرياء بس والله والله والله من باب النصيحه لكم ياخواتي وان نعطي الناس المحتاجه اللي فعلا تدور وتحتاج هالاغراض وهالملابس واحنا مكدسينهم بالكباته والادراج على بو يمكن نحتاجهم وندوور عليهم الايام والاشهر والسنين واهما على حالهم
منقول للفايده
اعملي مثلي بشقتك بترتاحين نفسيا وتنتعشي وبتحسي ان شقتك فيها هواا
الخميس أكتوبر 24, 2013 4:03 pm
والمطبخ بعد كذلك والله ما استخدم اغلب اللي عندي