الدله أللي ما تبهر من الهيل* مثل العجوز أللي خبيثٍ نسمها
كاتب الموضوع
رسالة
نعناعه
المساهمات : 11592 تاريخ التسجيل : 24/01/2014
موضوع: الدله أللي ما تبهر من الهيل* مثل العجوز أللي خبيثٍ نسمها الخميس يناير 01, 2015 1:56 pm
السلام عليكم ورحمة الله وبركاته
دائماً مانسمع هذا البيت اللي يقول
الدلة اللي ما تبهر من الهيل مثل العجوز اللي خبيث نسمها
وكثير منا يردده ولا يعلم قصته او صحته وهناك عدة روايات مختلفة عن هذه الأبيات وكلها مغلوطة ولو فكرنا وتأملنا الشطر اللي يقول مثل العجوز اللي خبيث نسمها
اشوف انه ماله له معنى ولا له علاقة في طعم القهوة ونكهتها ومن أول مرة سمعت هالشطر مادخل مزاجي وأحس انه فعلا مغلوط إلى أن سمعت قصته ،،،
والصحيح هو :
الدلة اللي ما تبهر مـن الهيـل مثل الجزور اللي قليل (ن) دسمها
وراح اذكر لكم عدة روايات وجدتها في الإنترنت وبعدها باذكر لكم قصة الأبيات نقلاً عن الوالد الله يطول بعمره عن أحد كبار السن
ومن الروايات اللي وجدتها عن هذا البيت
اقتباس:
البيت المشهور الذي يقول :
الدلة اللي ما تبهر من الهيل مثل العجوز اللي خبيث نسمها
هذا البيت كثير مانسمعه لكن الاغلبية لا يعرف من هو قائلها والبعض الاخر يستغل الفرصة وينسبها لي
شعراء قبيلته لعدم معرفت اغلب الناس من هو قائلة ويستغل الفرصة لكن ولله الحمد انا هذا البيت موثق تاريخيا في الكتب لاجل لاتذهب حقوق الغير او التلاعب بها بشت الطرق
قبل شاعر أخر.
هذة الابيات من ضمن قصيدة قالها أحد قوم الشيخ مقبول ابن هريس الشلوي شيخ الشلاوى وهو الشاعر :
أسيود بن رماح الشلوي : يقول
الدلـة اللـي ماتبهـر مـن الهيـل مثل العجوز اللـي خبيـث نسمهـا من لايكيل الكيف مـن بنـدره كيـل والنـار تشعـم معتبيـن حزمـهـا اللي الى جاء الوقت يصبر على الميل هذي طبـوع اللـي عـزازٍٍٍ شيمهـا
فرد علية الشيخ مقبول ابن هريس وقال :
متى طلعتوا ياطوال العناجيل مثل السليمي رميها عند فمها مر نبهرها بجوز من الهيـل ومر نخلي طبخها من عدمها
والعنجول هو مسمى الدخان في هذاك الوقت
وهذه رواية اخرى :
---------
(أسد يا أسد )
يقال بأن أو من قال هذا المثل هو الشاعر عجران بن شرفي السبيعي
والشاعر عجران عاش في عام 1300هــ فما فوق
وكان شاعراً فحلاً كفيف البصر ويظهر أن بصره كف في آخر حياته ؛
لأن له قصائد حماس ووصف , والله أعلم .
نرجع إلى المثل وهو يضرب عندما يكون الخصمان متكافئان
وهكذا يقال أن عجران السبيعي حل ضيفا على فجـحان الفراوي
من كبار شعراء وكرماء ووجهاء قبيلة مطير
وكان يسكن في الصمان وكانت الأسواق والقرى بعيده عن المراتع
ووسائل النقل بطيئه لنقل الطعام
أو القهوه والهيـل فقد ينفد الهيل مثلا ويبقى صاحب البيت مده بدون هيل وهكذا ,
وهذا ماحصل لفجحان الفرواي عندما ضافه عجران السبيعي
وقام الفراوي وذبح الخروف وأمر بطبخه وعمل
القهوه ولم يجد هيلاً فوضع فيها شيئا من الزنجبيل ويقال
القرنفل ( العويدي ) ويقال بأنه قدمها
بدون هذا كله وكان الفراوي لايعرف بأن ضيفه هذا هو عجران
السبيعي علما بأنه يسمع به وشهرته ذائعه
وكذلك عجران لايعرف بأن هذا هو فجحان الفراوي شاعر وكريم
من كبار قبيلة مطير فندما قدم الفرواي
الفنجال لضيفه عجران وذاق القهوه واذا هي بدون هيــل فقال :
الدلّة اللي ماتبهّر من الهيـل مثل العجوز اللي خبيثٍ نسمها
لكن الرجل الذي أمامه شاعر مثله أو يفوقه حين قال :
نوبٍ نحط الهيل ومفطح الحِيل ومرٍ نخلي الموجبه من عدمها
عندما عرف السبيعي أن مضيفه شاعر وكريم قال : ( أسد يا أسد ) , يعني الذي أمامي أسد مثلي فيجب الإعتراف به بالشعر وكذلك بعذره لأنه عرف بأن الهيل قد نفد , وأن الظروف لاتساعد في بعض الأحيان والرجال يقدرون ويعرفون . ------- وهذه رويه أخرى
ويقال أن هذه الأبيات قالها شاب في مجلس ابن هذال شيخ عنزة بعد ما شرب الفنجال قال هالأبيات يريد فيها أن يستعيب ويستنقص قهوة ابن هذال :
الدلـة اللـي ماتبهـر مـن الهيـل مثل الجزور اللي قليل (ن) دسمهـا من لايكيل الكيف مـن بنـدره كيـل والنـار تشعـم معتبيـن حزمـهـا اللي الى جاء الوقت يصبر على الميل هذي طبـوع اللـي عـزازٍٍٍ شيمهـا
ورد عليه ابن هذال بهذه الأبيات :
متى طلعتوا ياكسـار الفناجيـل مثل السليمي طرحها عند فمهـا مر(ن) نبهر بزعفران مع الهيـل ومر(ن) نخلي الواجبة من عدمها
هذا اللي عندي من علوم واللي عنده تصحيح او معلومة اتمنى يفيدنا بها ويا رب تعجبكم وتحوز على رضاكم
الدله أللي ما تبهر من الهيل* مثل العجوز أللي خبيثٍ نسمها
الخميس يناير 01, 2015 1:56 pm
