موضوع: بتشيلي هم العزومات والمواعين ؟؟؟؟؟؟تعالى الثلاثاء يناير 06, 2015 2:50 pm
السلام عليكم ياقمرات مش هطول عليكم اكيد كلنا كل وقت والتاني بيعمل عزومة والاكيد بعد العزومة بنشيل الهم المواعين طبعا انا هقولكم عن حل يريحك شوية وكانك جايبة غسالة اطباق على فكرة لو عندك غسالة اطباق برضه فيه تعب مانتي لازم تفضي الاكل من الاطباق قبل ماتحطيها وبعدين لازم ترصي الاطباق المهم بصي بقى اولا قبل العزومة حاولي تعزمي اكتر من حد مرة واحدة تعب ساعة ولا كل ساعة يعني مثلا هتعزمي اخت جوزك وجوزها اعزمي كمان اختك وجوزها ولو جوزك هيعزم صاحبه ومراته انتي اعزمي صاحبتك وجوزها اهوكدة يعني اهو تعب بالمرة واللمة حلوة ثانيا ان ماكنش ينفع تزعمي ناس كتير مرة واحة فانتي اختاري اكل يكون سهل وممكن تحفظيه في الفريزر ازاااااااااااااااي؟؟؟؟؟ بصي بقى لو هتعملي صنية مكرونة بالباشاميل وانتي بتعمل الباشاميل اعملي كمية كبيرة وخدي نصها احفظيه في الفريزر عشان المرة الجاية وكمان اللحمة المفرومة خليها جاهزة في الفريزر معصجة وجاهزة يبقى ماعليكي غير انك تسلقى المكرونة وتدخي الفرن (ولو عندك ديب فريزر وصواني كفاية ممكن تعمليها كلها وتدخليها بصنيتها في الديب فريزر) ولو هتعملي طبيخ مثلا فاصوليا او بسلة او اي حاجة خدي نصها وحطيها في الفريزر بعد ماتبرد على طول ولما تطليعها وتسخنيها او تحطيها في الفرن هيبقى زي مايكون معمول دلوقتي وهكذا ثالثا بقى اثناء العزومة ماترفضيش ان حد يساعدك بالعكس ابدي فرحتك بالعرض عشان تستريحي شوية وكمان ان الضيف يحس ان البيت بيته رابعا المواعين بصي بقى المطلوب منك طبق غسيل كبييييييييييييييير اوي ده لو ماكنش حوضك كبير ولما تقومي تعملي الشاي للضيوف وانتي مستنية المية تغلي حطي كل الاطباق فيه وحطي مية دافية علية يعني اغمريهم وشوية ايريال للغسالات العادية وسبيهم (كانك حطاهم في غسالة الاطباق) وارجعي لضيوفك ارغي براحتك وبعدين بعد لما يمشوا ادخلي المطبخ واشطفي على طول من غير ليفة ( والله كان حد صبن بالليفة وانتي بتشطفي بي )نادرا ماهتلاقي حاجة عايزة تتغسل بالليفة يالا بقى اعزمي وماتتردديش تاني وادعولي بقى