نعناعه
المساهمات : 11260
تاريخ التسجيل : 24/01/2014
 | موضوع: التورلي (طباخ روحو) وهدية كمان بالداخل  الجمعة أبريل 25, 2014 8:59 pm | |
|
نبدااا بطبختنا اليوم
اكلتي اليوم خفيفة وصحية وطعمها طيب كتير
المقادير
لحمة شقف,,, بصل ,,بطاطا,,كوسا,,جزر,,باذنجان,,فليفلة وبندورة
وملح فلفل وبهارات حسب الرغبة صلصة طماطم ثوم نعنع
الطريقة
نصف اللحمة بالطنجرة ونملحها ونرش الفلفل
نقطع البصل فوقها
الان نرتب الخضار المقطعة بالترتيب حسب يلي بياخد وقت بالنضج
اول شيء الكوسا والجزر من حطهم بشكل طبقات
بعدين الباذنجان والبطاطا وبعدين البندورة والفليفلة
منحط الملح والبهارات والصلصة وقليل من الماء واتركيها على نار هادئة
بس تستوي بتحطي الثوم المهروس والنعنع الناشف
اذا كنتي من محبي الارز بامكانك تقديمه معها
انا بحب اكلها بالخبز
وصحة والف عافية
هديتي لكم حبايبي مو حلو
اكلة صحية ثانية ,,,,,,,,ممكن تقدميها على العشاء او على الفطور
كشكة باللبن
المقادير
بصل بقدونس لبن زبادي ملح ملعقة طعام جبنة كاسات
نعنع يابس
الطريقة
افرمي البصل وافركيه مع البقدونس المفروم
حطي النعنع مع اللبن (ايضا بامكانك تبديل اللبن باللبنة بس بالزبادي اخف)
اضيفي الجبنة السائلة (بامكانك استعمال اي جبنة تفضليها)
وعدلي الملح وحطيها بصحن التقديم وصحة والف عافية
ان شاء الله يكون الموضوع حلو ويعجبكم | |
|
