تاريخ التسجيل : 01/01/1970
 | موضوع: أنواع رقص الحريم بالافراح ههههههههههه فله  الجمعة أكتوبر 25, 2013 5:44 pm | |
| أنواع رقص الحريم بالافراح ههههههههههه فله
طبعاً مثل مآيقولون الكتآبـ مبيّن من عنوآنه
الحريم فالزواجات حدّث ولا حرج وبالذات إذا جت حزة الرقص
منهن من تثير الشفقة ومنهن من ترسم علامات التعجب فوق راسك
ومنهن من تجعل المتفرجين يرددون ( الحمد لله علي نعمة العقل )
من أ ن تضع قدميها الكريمتين عالكوشه إلي أن تنهي وصلتها الاستعراضية
/
l
/
والحين نكشف الستآر عن الموآهب المدفوونه
الاولي :وحدة تهز الوسط
- والثانيه: ترج المناطق العلوية وما جوارها بتوقيت الرياض
- والثالثة: تنفض شعرها بطريقة الفريرة تقولون داخلته حشرة تبي تطلعها
- والرابعة: تحرك يديها بطريقة لولبية كوكبية متوازية الاضلاع كنها تخبز تميس
- والخامسة: تطامر يمين ويسار **رت ارقاب الاوادم من كثر ما يتلفتون
- والسادسة: تترنح علي أنغام البوب بطريقة هستيرية كنها صرصور باخين عليه بف باف
- والسابعه: تتهزهز تقولون ماسكها كهرب 220 فولت
- والثامنة: تصفق بيديها من تبدأ إلي تنتهي ما تدرون تصفق لنفسها ولا للحضور
- والتاسعة: ترقص جنب الطقاقات وتخش في وجيههم عشان يزينون لها الطق
والطقاقات ودهم يصكونها بالطيران صرعتهم بريحتها( الحمد لله إني مانيب طقاقة)
- والعاشرة : تسوي حركات تخليكم تشكون في قدراتها السيكولوجية والفسيولوجية والامبريالية!!!!
..........
كله كوووم واللي يلبسوون برآقع في العروس كوم ثاني
( تدق التسريحة والمكياج والفستان المشخلع والمخلوع بابه وتلبس برقع )
وشلون تجتمع ماااااااااأدري؟!!
وإذا طلبوا لها أغنيه تجيكم طااااااااايره من آخر القاعة ( جاكم الإعصار ما شيّن يعيقه )
وإذا وصلت الكوشه تمسك البرقع بأقوي ما عندها ثم تررررررررميه علي الواقفات عالمنصة
والشاطرة تمسكة
واذا خلصت وعينت من الله خير قامت تدور برقعها مثل المسعووووورة
لأنها من الحماس ما تدري وين أراضيه
وإذا لقته كنها لااااقيه كنز علي طووووول تحطه علي وجهه ما تبي أحد يشوفها
واللي يبط القهر أكثر وأكثر اللي ترقص بولدها ( يالييييييييل أم حبيليص الساااااااري )
ياشيلي يا أم الشباب ياتمايلي
وإذا قام البزر يصيح تنزله وتكمل رقص !!
والبزر ياعمري يتعلق في فستانها الارجواني ويجرجرفيه يجرجر فيه وهو يشاهق من الصياح
تحسبونها توقف
لالالالالا إلا تكمل الرقصة إن شاء الله يموت من الصياح اجل تخلي
فلانه اللي طلبت لها الاغنية علشان هالعله لالالالالالا وألف لالالالالالا.............
وما يضحكني إلا اللي تدخل اسمها في الاغنية واسم العيلة وعيلة العيلة
/
l
/
والأغاني المستخدمة لهذا الغرض تنقسم إلي قسمين :
مدح مباشر مثل :
- (ياصايغين الذهب عطوا الذهب فلانه) ... ادعسسسسسس
- (ردوا سلامي علي الفلاينه اللي ما يهابونه) . - (فلانه كل الحلا فيها احترت أنا مدري وش اسميها ).... جبر الخواطر علي الله هههههههههه
- (فلانه غزال صادها القناص ) .... ياحلالااه يا حماية الحياة الفطرية أي والله
هههههههههههه
...........
والقسم الثاني مدح غير مباشر:
- (الله يازين اللي حضرت غطت علي كل الحضور
) .... بالعدال ياديانا سبنسر
( بس هالاغنية قديمة حيييييييل)
- (قولوا بسم الله علي غزالن طب قولوا بسم الله
) هاذي عاد ضاربة في
بس إلي الآن متداولة للآسف علي كثر الأغاني ضااااااااااقت إلا يغنونها
- (نورت ياحلاها شمس الأقبالي والعذاري شموعن من حواليها
)
هاذي عاد من تحت الأنقاااااض
/
l
/
ووبس خلصنــآ ياحلوووين | |
|
