كل اسرار كشرى المحلات هنا-وبالمره صلحت الغلطه اللى كلنا كنا بنقع فيها

بسم الله الرحمن الرحيم
ازيكم يا بنات عاملين ايه
انا النهارده عملالكم موضوع عن الكشرى
انا دخلت بالطبق ده مسابقه قبل كده
بس طبعا مكتبتش كل التركات والحركات والاسرار اللى بتخصه
فعملتلكم الموضوع من اول وجديد عشان تستفادوا باذن الله
بصوا بقى
انا بقى بعمل [url=http://forums.fatakat.com/كل اسرار كشرى المØلات هنا-وبالمره صلØت الغلطه اللى كلنا كنا بنقع فيها (سنوات الضياع2)]الكشرى[/url]
ما شاء الله روععععععععععه بشهاده اخواتى وماما طبعا
طيب يلا ندخل فى الموضوع جرى ههههههههههه
انا واعوذ بالله من كلمه انا هههههههههه
صلحت الغلطه اللى اغلبيتنا كنا بنقع فيها وانا طبعا كنت واحده منكم ههههههههههه
الغلطه دى
هى اننا طبعا كنا عشان نطلع البصل مقرمش ومش شارب زيت
كنا بنخلطه بالدقيق صح ؟
لا انا اكتشفت حاجه احسن من الدقيق
اللى هى ايه يا بنات
( النشااااااااااااااااااااا )
ايوووووووووووون طبعاااااااااااااهههههههههه
اخلطى البصل [url=http://forums.fatakat.com/كل اسرار كشرى المØلات هنا-وبالمره صلØت الغلطه اللى كلنا كنا بنقع فيها (سنوات الضياع2)]بالنشا[/url] وقلبيه كويس وبعدين اقليه فى زيت غزير وشوفى النتيجه عامله ايه وتعالى قوليلى
اوك
طيب يلا ندخل على الطريقه بقى
اول واهم خطوه فى الكشرى هى خطوه تحمير البصل دى
لان انتى هتستعملى الزيت اللى حمرنا بيه البصل فى كللللللللل الخطوات بعد كده
وده طبعا عشان توصلى لطعم الكشرى بتاع المطاعم واحلى وانضف كمان طبعا
ادى البصل اهو قطعته جوليان او قطعيه بالطريقه اللى تعجبك


وبعدين خلطته بالنشا اهو



وبعدين قليته فى زيت كتيييييييييييير زى ما قلتلكو



ودى النتيجه بعد ما حمرته
شوفى دهبى ومقرمش ازاى






تانى اهم معلومه
انك لازم تنزلى البصل لونه اقل درجه من اللى درجه اللون اللى انتى عايزاها او بتحبيها
لانه لما بيطلع من الزيت بيكمل سوى ولونه بيحمر او بيغمق درجه او درجه ونص بعد ما بيخرج من الزيت نتيجه السخونه طبعا اللى هو كان فيها الله يكون فى عونه ههههههههههه
وان شاء الله بعد ما يهدى او يبرد هتلاقيه وصل للون اللى انتى عايزاه
انما لو طلعتيه باللون اللى انتى حباه
هيغمق اوىىىىىىىى على ما تيجى تاكليه
اوك وصلت المعلومه دى كمان ولا نعيد كومان هههههههههههه
طيب خلطنا كده من البصل

طيب يلا ندخل على الكشرى بقى
اول حاجه انتى هتنقع العدس الاسود ده قبل ما تستعمليه بنص ساعه او بالكتير اوى ساعه الا ربع فقط لا غير او ساعه يا ستى عشان الناس الموسوسه هههههههههههه

وسيبك من اللى بيقولولك انقعيه ليه كامله ولا 3 او 4 ساعات
لالالالالالالالالالالالا خالص
اسمعى منى انا
اهو انا غسلته و نقعاه



وبعدين جيبت حله وابتديت احمر الشعريه بزيت البصل متنسيش
لحد ما وصلت للون الدهبى ده



وبعدين قومت نازله بالرز وشوحته تشويحه صغيره



وبعدين نزلت بالعدس المنقوع
وبعدين حطيت الملح و كمون كتيييييييييييييير وده الاساس متنسيش



(( واهم واحلى تكه قومت حطه شويه من البصل المتحمر عليهم وهما بيستووا ))
يااااااااااااااااااااااااه الطعم فرق جامد والله العظيم وان شاء اله تجربيه بطريقتى وتتبسطى منه

وبعدين ضيفت ميه سخنه كنت مسخناها فى الكاتل عشان تطلعى بكشرى مفلفل باذن الله



بس وسيبتهم يستووا مع بعض وده لما اتشرب



تلت ساعه وكانوا استووا باذن الله
والعدس مستوى زى الرز بالظبط واخر حلاوه واخر فلفله ههههههههههه

وهنا كنت بسلق المكرونه فى ميه وملح ومعلقه زيت عشان متلزقش فى بعضها



طيب نيجى بقى للصلصه
انا يا ستى بجيب الخلاط وبضرب الطماطم مع ربع كوبايه خل ومعاهم قرنين [url=http://forums.fatakat.com/كل اسرار كشرى المØلات هنا-وبالمره صلØت الغلطه اللى كلنا كنا بنقع فيها (سنوات الضياع2)]فلفل احمر [/url]من اللى تحت ده مع معلقه سكر مع معلقه ملح





وبعدين اخدهم اسبكهم على البوتاجاز
وبعدين بنزل عليهم بالتوم المفروم والكمون الكتير ده وشطه بقى وظبطى نفسك ههههههههههه



واسيبها لحد ما تتقل
وتبقى كده الصلصه هى كمان خلصت
( نيجى بقى للدقه )
سهله جدا
انا يجيب توم مفروم ونص لمونه وربع كوبايه خل ومعلقه صلصه وملح واحطهم على بعض بالمنظر ده






وده المنظر النهائى للدقه عايزه تنعمى التوم اكتر من كده نعميه عادى


استنونى لسه هكمل