موضوع: كوكيز الشوفان من مطبخ الشيف مونى بالصور الأحد فبراير 15, 2015 9:24 am
السلام عليكم ورحمة الله كل عام وأنتم بخير اللهم بلغنا رمضان على خير ان شاء الله طبعا احنا عارفين قد ايه الشوفان مفيد جدا بس فيه ناس كتير مش بتحب تاكله لوحده فقلت ندخله فى اكل احنا بنحبه ولقيت احسن حاجة اننا نعمل منه كوكيز المقادير 2 كوب الا ربع شوفان كوب سكر عادى مش مطحون 2 ونصف كوب دقيق كوب زبدة سايحة 1 بيضة كوب شوكليت شيبس ملعقة صغيرة فانيليا ملعقة صغيرة بيكنج بودر رشة ملح ودى صورة للمكونات فى بولا هنحط المقادير الجافة كلها مع بعض ماعدا السكر والزبدة والفانيليا والبيضة فى بولا تانيه هنحط الزبدة والسكر ونضربهم ونضيفلهم البيضة ونضربهم ونضيفهم على بقية المكونات ونعجنهم بإيدينا وهنلاحظ ان عجينة الكوكيز قاسية ومفرولة احنا كده شغالين صح طبعا مشكلة الكوكيز تشكيله رقم واحد لأن طبيعة العجينة مفرولة وعاملة زى الرمل ورقم اتنين لأن ملوش أداة معينة زى البتيفور او المعمول فأحسن حاجة لتشكيله هى معلقة الايس كريم هندهنها نقطة زيت فى الاول بس قبل مانستخدمها ونملاها عجينة على الاخر ونضغط عليها كويس اوى بإيدينا عشان لما ننزلها فى الصينية تكون متماسكة
هننزلها فى الصينية بحرص ولو جزء بسيط اتفتفت منها منقلقش
هندخلها فى فرن حرارته عالية لغاية مايستوى وده شكله بعد ماأستوى والحمد لله طلع طعمه رائع يارب موضوعى البسيط ده يكون عجبكم
الأحد فبراير 15, 2015 9:24 am
