المقادير والطريقة (2كاس دقيق +3ملاعق حليب بودرة+1ملعقة خميرة +ملعقة سكر +رشة ملح +الماء حسب حاجة العجينة ) يعجن المقادير مع بعض حتى تتماسك وتصبح طرية ثم تقسم إلى 7كور وتترك لتتخمر (انا اخليها نص ساعة بس) واحشيها باللي تحبين حطي جبن وزعتر أو محمره أو لبنه وزيتون أو لبنه وزعتر أو جبنه فيتا وبقدونس أو تحطين حشوة دجاج بس تصير ثقيله شوي لما اقلبها على الصاج افرده واحطي الحشوة واسكره على شكل نصف قمر او تسوين بيتزا دجاج حطيتها على الصاج مع الحشوة ولما استوت من تحت حطي الجبن ودخلتها الفرن يذوب الجبن أو حشوة بيتزا خضار **أنا عن نفسي أحب ألفها مثل مطعم (عالخفيف) فطائر على الصاج يفردها ويسويها قدامك وبعدين يحمرها ويحشيها ويلفها ويقسمها أربعة أقسام أحسها أفضل وأحلى في التقديم وأرخص فطيرة عنده بأربعه ريال !!! وهي مو مكلفه أبدا وشغلك أنظف والحشوه تحكمي فيها على كيفك لاتتقيدين بشيء معين
صدقوني ماأحد راح يصدق إنك مسويتها وراح يظنونها جاهزه مثل وحده سألتني قالت: هذي تورتيلا جاهزه ؟!! أنا أنبسطت وقلت في نفسي لاداعي لاداعي أخجلتم تواضعنا ولما قلت لها أنا ماصدقت تفاجئت بقوه حتى ناس غيرها ماصدقوا ظنوها جاهزه من طراوتها ولذاذتها
ملاحظة: العجينه ممتازة للخبز سويها و افرديها وعلى الصاج..
وبالعافيةعلى قلوبكم اتمنى تكون عجبتكم لاتنسوني يا حبايبي من التقييم والردود
الإثنين يناير 09, 2017 11:48 pm
